اميرة ... بطلي تستفزي الحروف الخاصة بيا لوسمحتي ، سيبيهم كدة تايهين ف مخي/ مخي ارجوحة تئن / من الحب/ جفنه علم الغزل/ هو اللي بنعمله انا واميرة دة هيبقي طقس ولا ايه مش مهم طقس لذيذ جدا / احتمال نمل لأ لأ .. احنا باستمرار جداد/ احنا بنات حلوين مجانين و...ممتلئ جوانا بالألم والابتسام / نقيض عقلي يؤلمني بالرغم من أن الملاك اخبرني أنه ليس بيت الحب / اتنفس كثيرا وأبكي كثيرا ليت العكس يحدث / لو قلتلك ساعات بكره الوقت لانك مش في حيزه هتصدقني / طيب لو قلتلك ساعات بكرهك لانك برة حيزي هتصدقني / يمامة بيضا ومنين اجيبها طارت يانينة عند صاحبها / هو ليه الجسم بردان كدة وبينتفض وبيشتكي كتر الغطا من غير لزوم / النمطيون لا يصابون بالروحانية ولا يمتلكون الفراشات ولا تنبت لهم أجنحة / انهم لايتذكرون ولا اتمني لهم / تستبيحني الذكري فتنيمني في الشمس وتوقظني بارتعاشة / رقص / صوتك يابنت الايه كانه بدن يرقص يزيح الهم يمحي الشجن ياحلوتي وبدنك كانه كلام كلام فلاسفة سكروا نسيوا الزمن وعجبي / صلاح جاهين انت اللي عملت كدة في سعاد حسني انا بحبك بس زعلانة منك ليه عرفتها علي المثقفين الاشرار اللي لوثوا برائتها .. فبقت كبيرة بسرعة ومعندهاش فراشات / لن أسمح لكم أيها المدعون بتلويثي ولن أعطيكم برائتي/ كدة يا اميرة ايه اللي عملتيه دة لما اشوفك النهاردة هحضنك حضن كبير واديكي فراشة تحرسك وهشتكيكي للجنية من وراكي / ورايا وقفوا يترقبون أن انظر اليهم واقول شيئا انا مرعوبة وقلبي بيترعش وامشي واثقة الخطوات لاخيفهم وبذلك أتقنت جدا النظر للأمام / ممكن تجيبولي قوس قزح وغزل البنات / في بلد البنات كل البنات لما بتبكي تاخدنا الآهات/ آه ه ه ه ه ه ه ه ه ه ه ه ه آه / دة آخر نفس للنهار محتاجة أنام .
توقيع : حنان
ليست هناك تعليقات:
إرسال تعليق