عندي كم سنّة خدتهم الشمس ؟ / دقن القمر ساح وهو اللي سرسب لبن أزرق خلاكي تعيطي يا حنان / شفتى أد ايه عينيكى بتحلو وبتلمع لما تبكي / أمتى أكبر ؟ / عارفة .. كل ما أفتكر الماضي ، ألقانى بافتكرنى وأنا عجوزة بتحاول تفتكر ملامحها وصوتها / ربنا دمه خفيف / فى ثقب كبير فى قلبي ياما وجعنى و أنا باتكلم مع الناس / ثقب خلانى مقولش حتى آه / يمكن دا سبب ردود أفعال غريبة مني متفهماش الناس غير إنى .. مجنـونـة / صدي / هما ليه شايفنى صغيرة ؟ / آلو .. مساء الخير ... ممكن اشتمك .. من أنت .. أنا عضو إينشتن النثوي ... أقفل يا بن الـ ....... تيت تيت تيت من فضلك ضع السماعة / بحب الرسائل جدا والورد والكراميل / و بكره تجاهل محمود ليا ونظرات أمى المتهمكة طوال الوقت وزمجرة أبي و توتره / أكتر واحد بحبه فى شغلي هو عم عبدالله بتاع الأمن / يعنى هيمشي ؟ / عم عبدالله أكتر واحد بيقولى كلمة طبطبة بصدقها / بيقولى ..صباحك شوجر يا هني .. الهارت بيشوفك يبقي طول اليوم هابي معرفش ليه / ساذجة أنا / بحب فؤاد المهندس / بكره الدكتور أبو ابتسامة صفرا / ياما اذيت نفسي كتير !! / بحب الأسرار / عندك سر تقوله .
توقيع : أميرة
ليست هناك تعليقات:
إرسال تعليق