مخنوقة جدأً دا عادي يعنى / نفسي أفخخّ نفسي و افجرنى بجامعة حلوان احتمال / نفسي أصرخ فى وش ناس كتير مضيقانى / نفسي أبطل أعتذر واللى يزعل يتفلق / نفسي أحسّنى أكتر / ربنا بيلعب معايا طول الوقت / بحب أمى بس عاوزة أبعد عنها خالص / عاوزة أشوف أبويا / نفسي مش أحس إنى شكاية / ونفسي اشتكى كتير وحد يسمعنى / نفسي أعيط قصاد حد زهقت من البكا وحدي / نفسي اشتغل فى روضة أطفال / هاقوم بقا يا حنان / محدش يعلق عليا .
توقيع : أميرة
فكرتيني/ نفسي ابقي ماما/ القهوة فارت/ ونفسي اشتكي من غير ماحد يقول علية شكاية/ انت جنية الليل والنهار/ قهوة وشيكولاتة شيكولاتة وقهوة/ مش عاوزة الوقت يضيع/ حلم/ جريت ف المطرة وكنت لوحدي بكيت وانت مشفتش خوفي وحبات المطر بتغسل روحي من الدموع/ طقوس/ دخان دواير ارتباط شرطي/ عايزة ارسم/ اميرة ممكن نقعد نشخبط ف يوم/ او نرسم بالرملة ! .
توقيع : حنان
ليست هناك تعليقات:
إرسال تعليق